Eenvoudige sjokolade koek

Soos ek reeds dit genoem het, is ek baie lief vir bak en alles daaromtrent. So dit is baie vreemd vir my as mense my vra hoe ek so lekker koeke kan bak. Ek weet gewoonlik nie hoe om te reageer nie, want dit is so maklik vir my. Ek glo as jy baie van iets hou, sal dit nie moielik wees nie.

Die geheim vir lekker bak, is om 'n resep na die presiese bedrae te volg, en die korrekte  meetinstrumente te gebruik. Sodra jy dit doen, kan jy nie verkeerd gaan met enigiets wat jy wil bak nie. Ek sal nou verduidelik hoe om my gunsteling en eenvoudige sjokolade koek te maak. Ek gebruik dit gewoonlik wanneer iemand vir 'n verjaarsdag of 'n troue sjokolade koek bestel.

Onthou om altyd jou oond te verhit, in hierdie geval, sal dit tot 180°C wees. Die bestanddele wat jy benoodig is: 225g meel, 350g strooisuiker, 85g kakao poeier, 1 ½ teelepel bakpoeier, 1 ½ teelepel koeksoda, 2 eiers, 250 ml melk, 125 ml olie, 2 teelepel vanieljegeursel, en 250ml kookwater.

Maak seker dat jy die korrekte kombuis skaal gebruik vir alle metings. Plaas al die bestanddele, behalwe die kokende water, in 'n groot bak. Dit moet dan gekombineer word met 'n elektriese menger. Plaas mengsel in gesmeerde koekpanne, wat enige grootte kan wees. Bak vir 35 minute, of totdat 'n mes droog uit kom wanneer jy dit toets.

Vir die versiering, plaas 200g sjokolade en 200ml dikroom in 'n kastrol oor lae hitte totdat die sjokolade smelt. Verwyder die pan van die hitte en klits die mengsel tot glad, blink en verdik. Laat dit afkoel vir 1-2 uur, of tot dik genoeg is om dit te versprei oor die koek. Sodra die koek afgekoel het, kan jy die sjokolade room daaroor versprei.

Al wat jy now hoef te doen, is om dit te geniet! :) 

Die beroemde rooi fluweel

“Die geheime bestanddeel is 'n bietjie liefde." Dit is my antwoord wanneer iemand my vra oor my beroemde rooi fluweel kolwyntjies. Ek was veral gekonfronteer met hierdie vrae en wonderlike kommentaar by die kinders se partytjie waarvoor ek gebak het.

Dit was my niggie se derde verjaarsdag partytjie, en ek is gevra om vir haar  'n koek en 'n paar kolwyntjies te bak. Ek was regtig senuweeagtig om dit te doen, want sy was my eerste betalende kliënt  en ek was nog 'n "beginner" in die bak besigheid. Ek het geweet ek moes my geheime resep gebruik, wat my nooit teleur te stel nie.

 'N Vriendin het my aan die heerlike rooi fluweel resep ingevoer, wat ek dadelik probeer en getoets het. Almal by die huis was mal daaroor en kan nie ophou om kommentaar te lewer oor hoe lekker en anders dit was van ander kolwyntjies. Ek het toe besluit dit gaan my kolwyntjies resep vir die verjaarsdag partytjie wees.

Dit was 'n lonende gevoel om te sien hoe almal die kolwyntjies geniet by die partytjie. Ek was gebombardeer met pragtige kommentaar oor die wonderlike smaak en tekstuur, ek het selfs telling verloor van hoeveel keer ek moes sê: "Ja, ek het dit self gebak".

Die partytjie was 'n groot sukses, veral my kolwyntjies! Dit is nou bekend as die beroemde rooi fluweel.

Onthou, al wat jy nodig hê is 'n bietjie liefde ;)

Rooi fluweel kolwyntjies

Skeppende Avontuur

Soos julle weet, het ek nog altyd van bak gehou. Ek het voorheen gepraat oor hoe my passie vir bak gegroei het, maar laat ek 'n klein storie vertel oor hoe my opwindende avontuur in skeppende bak begin het. 

Ek het begin kyk na die TV-reeks vernoem ‘Cake Boss’, en het vyf seisoene voltooi. Soos hulle elke week 'n verskeidenheid van asemrowende koeke gemaak het, het my passie daarvoor nog meer gegroie, en ek was regtig geïnteresseerd met die versiering deel daarvan. Dit lyk eenvoudig genoeg om te doen, iets wat ek beslis sou geniet. Dit is toe my verloofde en ek die versiering klasse bygewoon het, en het gou agtergekom dat dit eintlik harde werk is en geen piekniek. Dit was 'n twee-dag-klas, waar ons 'n pragtige twee lae koek gemaak het. Dag een is basies die skep van die dinge wat bo-op die koek geplaas word, soos die rose en blare ens. Dag 2 het ons die koek gebak en al die versiering gedoen.

In net twee dae het ons 'n pragtige twee lae verjaarsdagkoek gemaak. Dit was so blou soos die hemel en so groen soos gras met pragtige pienk rose. Dit was ons eie soet skepping, en ek was so trots soos 'n pou. Dit het gevoel asof ek in 'n episode van ‘Cake Boss’ is, besig om 'n heerlike koek te skep, en dit was beslis so soet soos suiker! Daarna het ek geweet dat ek die uiteindelike ‘Cake Boss’ wou wees, net soos Buddy Velastro.